عنيد للكاتب سعيد عبد القادر السيد

♥ عنيد ♥

عنيد يا قلبي أنت
بتدور عالعزاب
ماشي في كل سكه
تنده عالأحباب
خدها نصيحه و أنسى
الحب ده سراب
عنيد يا قلبي أنت
بتدور عالعزاب
أسمع حكاوي زمان
قيس و ليلى كمان
رميو و جوليت
أضناهم الحرمان
عبله و عنتر شداد
طواهم الزمان
عنيد أنت يا قلبي
بتدور عالعزاب
أمشي خليك في حالك
كفايه ما جرالك
م اللي رثى لحالك
و اللي شمت كمان
قال خليه يدوق
نار الغرام بركان
عنيد أنت يا قلبي
بتدور عالعزاب
مالها يا سيدي الوحده
أحسن م الأكتئاب
مهما كانت صعبه
برضو ليها أسباب
نار الغدر وحشه
تخلي سماك ضباب
عنيد أنت يا قلبي
بتدور عالعزاب

♥♡♥ كلمات
سعيد عبد القادر السيد
شاعر ال ش و ال ش
الشرابيه و الشرقيه