!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
قالولى إهرب
طب أهرب واروح على فين ؟
إنفد بجلدك يا جدع
إزاى ؟
واسيبهم لمين المطحونين ؟
قالوا ..
أمك ناوية على قتلك !
بإيدها .. نهايتك وحتفك !
أمك خلاص اتجننت
واستنى ..
لو مستغنى عن نفسك !
-----------
أنا قلت .. أمى بريئة !
من كل تهم الجنان !
كل الحكاية إن أمى
تعبت شوية ..
لما هتكها الجبان !
وبكره ترجع ..
زى ما كانت زمان !
ويمكن أحسن كمان !
------------
قالولى غلطان ..
الست بتخرف ..
وعايشة ف- التوهان !
يا راجل امشى واهجرها !
واوعى تعاشرها
ف-نوبة اللسعان !
-------------
حلفت بالله ما يحصل
وخصمت كل الناس
ورحت على أمى ..
حضنتها بإحساس
وهى .. ضمتنى بفرحة وشوق
وقبل ما قلبى يكدب اللى نصحونى
لقيت خنجرها فى ضهرى
وطعنة ورا التانية ورا التالته
وايدها شغاله ما بترحم
--------------
وقبل ما اموت بثوانى
بصتلى بعين شريرة
وصرخت وهى بتطعنى
طعنتها الأخيرة
وقالت :
: قالوا عنك إنك بقيت بتصلى
بتعبد إلهك وترضى ربك تملى
يعنى إرهابى ومجرم !
إنت مش ابنى ..
ابنى الحقيقى لازم يكون
واحد من الجواسيس
ولازم يكون معرص
وحكاية فى التهجيص
ابنى بجد .. لازم يكون
بلاص من البلاليص !
---------
ومت .. وأنا بدعى ربنا
يلعنها ف- كل كتاب
وشفت قدامى ..
صفحة من السما
مكتوب عليها خراب !
v´¯)
`·.¸.·´
¸.·´¸.·¨) ¸.·¨)
(¸.·´ (¸.·´ (¸.·¨¯`? .
~? محمد ? البكرى ?
ليست هناك تعليقات:
إرسال تعليق